【十三短打】哥帅啱!曼城输得合时!

【Dafabet体育】输得好!就算好似十三咁唔系曼城粉丝,都未必会对哥迪奥拿反感,尤其系佢系言谈作风向来反映佢个性沉稳而城府深,而佢从来正面睇输波呢样,真系几高。曼城咁输一输,过过冷河,要担心嘅,应该系曼联领队摩连奴。 撰文:球十三 「当我觉得我哋需要输,咁系为咗球员同埋球会。」哥迪奥拿赛后讲得好清楚,曼城以1:2输俾萨克达,老实,既然一早出线实在唔值得浪费兵力追求咩全胜,唔系话想特登输,但球员心系星期日曼彻斯特打吡合情合理。果然今场波曼城上半场了无生气,被轰入两球,但易边后又踢番气势,不过相信喺𠮶刻,蓝月球迷只求唔好增添伤兵,而话唔定哥帅当时甚至想刹停班球员,追平与否,好次要啦。 哥帅执教曼城以嚟从未试过正式比赛连败。输一场关系唔大嘅比赛,冇咗咩连胜或者不败包袱,等球员唔好太心红,留番度气同宿敌死过,唔系坏事。 「依家睇我哋周日会作咩反应,但我见到当我哋落后0:2嘅时候,过渡得好好。」哥迪奥拿城府深,打吡当前,点会错过为大军减压嘅机会?「无论发生咩事,世界唔会喺星期日完结,依家我哋会准备𠮶场比赛。」 睇曼城下半场稍为「按掣」即有料到根本冇有怕,家阵又唔需要再背负咩包袱准备降「魔」…… 如果因为227日以嚟首败,换嚟一场能够打赢宿敌嘅大胜,除笨有精囉。 撰文:球十三 足球迷叫第十二人,冇偏爱,冷眼旁观系十三。 email:[email protected] 欢迎浏览球十三fb专页,若得到波友一个like,就是我们团队的一大鼓舞: www.facebook.com/ballthirteen 图片来源 : ©AFP

发表评论